வீட்டுக்குறிப்புகள்

January 29, 2013

உப்புமா வாசனையாக இருக்க

அரிசி உப்புமா செய்யும் போது அரிசி நொய்யில் சிறிது நல்லெண்ணெய் விட்டுக் கலந்து பின் செய்தால் உப்புமா வாசனையாக இருக்கும்.

January 29, 2013

தேங்காய்ச்ச்சட்னிக்கு அரைக்கும் போது பச்சை மிளகாய்களை எண்ணையில் ஒரு வதக்கு வதக்கி அரைத்துத் தொட்டுக் கொள்ளலாம்.

January 29, 2013

கத்தரிக்காய் எண்ணெய் கறிக்கு வதக்கும் போது ஒரு ஸ்பூன் கட்டி தயிரை அதில் விட்டால் கத்தரிக்காய் கருப்பாக ஆகாமல் இருக்கும்.

January 29, 2013

சாம்பாரை நன்றாக கொதிக்க வைத்து இறக்கியவுடன் அதில் ஒரு ஸ்பூன் தேங்காய் எண்ணையும், கருவேப்பிலையும் போட்டு மூடி வைக்கவும். மணமாக இருக்கும்.

January 29, 2013

வெந்தயக்குழம்பு கொதிக்கும் போது இரண்டு உளுந்து அப்பளங்களைப் பொரித்து நொறுக்கிப் போட்டுக் குழம்பை இறக்கவும்.

January 29, 2013

மோர்க்குழம்பை இறக்கும் முன் சிறிது தேங்காய் எண்ணெய் ஊற்றி இறக்கவும்.

January 29, 2013

வெண்டைக்காய் வதக்கும் போது உதிரி உதிரியாக இருக்க இரண்டு ஸ்பூன் மோரோ அல்லது புளித்தண்ணிரோ தெளித்து வதக்கினால் போதும்.

January 29, 2013

சேப்பங்கிழங்கு ரோஸ்ட் செய்யும் போது கடலைமாவைப் புளித்த தயிரில் கலந்து சேப்பங்கிழங்குடன் சேர்த்து செய்தால் மொரு மொரு வென்று இருக்கும்.

January 29, 2013

அரிசி கழுவிய தண்ணீரில் கிழங்குகளை வேக வைத்தால் சிக்கிரம் கிழங்குகள் வேகும்.

January 29, 2013

சேம்பு, பிடிகருணை ஆகியவற்றை இட்லித்தட்டில் வேகவைத்தால் குழையாது.